امریکا اور ایران کے درمیان پاکستان کے ذریعے پیغام رسانی

اسلام آباد(پاک ترک نیوز ) نائب وزیر اعظم و وزیر خارجہ اسحاق ڈار نے کہا ہے کہ امریکا اور ایران کےدرمیان بالواسطہ مذاکرات بذریعہ پاکستان پیغامات کی صورت میں جاری ہیں۔سماجی رابطے کے پلیٹ فارم ایکس پر اپنے بیان میں اسحاق ڈار نے کہا کہ امریکا نے 15 نکات ایران کے ساتھ شیئر کیے ہیں جن پرغور کیا جا رہا ہے۔انہوں نے مزید کہا کہ پاکستان خطے میں امن و استحکام کے فروغ کے لیے مکمل طور پر پُرعزم ہے اور کشیدگی کےخاتمے اور پائیدار امن کے لیے ہرممکن سفارتی کوششیں کررہا ہے اور ترکیے اور مصر سمیت برادر ممالک بھی معاونت کررہے ہیں۔اسحاق ڈار نے اپنی پوسٹ میں امریکی اور ایرانی وزرائے خارجہ کو بھی ٹیگ کیا۔