اسلام آباد( پاک ترک نیوز )پاکستانی سیاسی قیادت نے جی ایس پی پلس اسٹیٹس ختم کروانے کی کوشش کو کھلی معاشی تخریب کاری قرار دے دیا،وفاقی وزیر اطلاعات عطا تارڑ نے کہا ایک جماعت اپنے سیاسی مفاد کی خاطر ملک دشمن عناصر کے ساتھ مل کر سازشوں میں مصروف ہے،سیاسی مخالفت میں ملک کی تضحیک ناقابل برداشت ہے،پی ٹی آئی عارف اجاکیہ کے ساتھ ملکر ملک کے خلاف سازشوں میں مصروف ہے۔پی ٹی آئی نے اپنے چار سالہ اقتدار میں ملک کو نقصان پہنچانے کیلئے ہر حربہ اختیار کیا،پیپلز پارٹی کے نبیل گبول نے کہا بانی پی ٹی آئی کا بیٹا جی ایس پی پلس اسٹیٹس کو منسوخ کرنے کے لیے پاکستان مخالف تخریب کاری پی ٹی آئی کے رنگوں میں لپٹی سیدھی غداری ہے،یہ پی ٹی آئی کی خود غرض، ریاست مخالف سرکس ہے جو صرف ایک سزا یافتہ شخص کو جیل سے باہر نکالنے کے لیے چٹان سے ٹکرا رہی ہے،وہ ایک آدمی کو بچانے کے لیے پاکستان کی معیشت، ملازمتیں اور برآمدات کو جلا دیں گے،شرمیلا فاروقی نے کہاسیاسی اختلاف ہو سکتا ہے لیکن پاکستان کو ہمیشہ پہلے آنا چاہیے،سابق گورنر عمران اسماعیل نےکہا نازک حالات میں پاکستان کے معاشی مفادات کو نقصان پہنچانا غیر ذمہ دارانہ اور ناقابل قبول ہے۔ہمیں کبھی نہیں بھولنا چاہیے کہ پاکستان ہے تو ہم ہیں،پنجاب کی وزیر اطلاعات عظمیٰ بخاری نے کہا بانی پی ٹی آئی کے کزن ڈاکٹر عثمان اور زلفی بخاری کی موجودگی میں پاکستان پہ پابندی لگانے کا مطالبہ کیا گیا۔
جی ایس پی پلس اسٹیٹس ختم کروانے کی کوشش معاشی تخریب کاری قرار
