قصور (پاک ترک نیو ز)پاک بھارت بین الاقوامی سرحد پر بھارتی بارڈر سکیورٹی فورسز کی فائرنگ سے دو نہتے پاکستانی شہری شہید جبکہ ایک زخمی ہوگیا۔
سکیورٹی ذرائع کے مطابق بھارتی بی ایس ایف نے قصور کے قریب لدھڑ گاؤں کے تین پاکستانی شہریوں کو فائرنگ کا نشانہ بنایا۔ ذرائع کا کہنا ہے کہ تینوں شہری بارڈر پلر سے چند قدم آگے بڑھے ہی تھے کہ بھارتی فورسز نے مبینہ طور پر بغیر وارننگ فائرنگ کردی۔
فائرنگ کے نتیجے میں عظمت رسول اور محسن جٹ جاں بحق جبکہ ایک شہری زخمی ہوگیا۔ سکیورٹی ذرائع کے مطابق جاں بحق دونوں شہریوں کا تعلق جٹاں والی حویلی لدھڑ سے تھا۔
ذرائع کے مطابق تینوں شہری نہتے تھے اور انہوں نے سرحدی باڑ عبور کرنے کی کوئی کوشش نہیں کی تھی۔
سکیورٹی ذرائع کا کہنا ہے کہ بھارتی فورسز کی جانب سے پاکستانی شہریوں پر فائرنگ سرحدی معاہدے اور طے شدہ ضابطہ کار کی خلاف ورزی ہے۔
ذرائع کے مطابق بھارتی ذرائع ابلاغ نے واقعے کو مختلف انداز میں پیش کرتے ہوئے جاں بحق شہریوں کو درانداز قرار دیا، تاہم پاکستانی سکیورٹی ذرائع نے اس دعوے کو مسترد کیا ہے۔
