اسلام آباد (پاک ترک نیوز )ڈی جی امیگریشن اینڈ پاسپورٹ محمد علی رندھاوا کی زیر صدارت اہم اجلاس ہوا جس میں پاسپورٹ کی دہلیز تک فراہمی کے منصوبے پر اہم پیشرفت ہوئی ہے
اجلاس میں پاسپورٹ ڈیلیوری کے نئے ایس او پیز کو حتمی شکل دے دی گئی،شہریوں کے لیے ڈور اسٹیپ پاسپورٹ ڈیلیوری سروس متعارف کرانے کا فیصلہ کیا گیا ہے
اجلاس میں امیگریشن اینڈ پاسپورٹ کی ڈیجیٹل ایپ کی پیشرفت کا جائزہ لیا گیا،ڈیجیٹل ایپ کے ذریعے آن لائن درخواست اور ٹریکنگ سسٹم پر غور بھی ہوا ۔
ڈی جی نےڈیجیٹل ادائیگیوں اور ای سروسز کے فروغ کے لیے اقدامات تیز کرنے کی ہدایت کر دی ہے اور شہریوں کو زیادہ تر خدمات گھر بیٹھے فراہم کرنے کے عزم کا اعادہ کیا ہے ۔
اجلاس میں جدید ٹیکنالوجی کے ذریعے پاسپورٹ سروسز مزید مؤثر بنانے پر زور دیا گیا ،ڈی جی امیگریشن اینڈ پاسپورٹ کا کہنا تھا کہ عوام کو تیز، آسان اور شفاف خدمات کی فراہمی ترجیح ہے ۔
