اسلام آباد (پاک ترک نیوز )اسپیکر قومی اسمبلی ایاز صادق سے اپوزیشن رہنماؤں اسد قیصر اور جنید اکبر نے ملاقات کی ہے۔
ذرائع کے مطابق ملاقات میں سابق سیکرٹری جنرل پی ٹی آئی اسد عمر بھی شریک تھے۔
ملاقات کے دوران پارلیمانی امور اور ملک کی موجودہ سیاسی صورتحال پر تفصیلی تبادلہ خیال کیا گیا۔
ذرائع کا کہنا ہے کہ اپوزیشن رہنماؤں نے اسپیکر ایاز صادق سے سپریم کورٹ کے احکامات پر عملدرآمد کے حوالے سے اپنا کردار ادا کرنے کی درخواست بھی کی۔
ملاقات میں پارلیمان کے معاملات، اپوزیشن کے تحفظات اور عدالتی احکامات پر عملدرآمد سمیت دیگر اہم امور پر گفتگو کی گئی۔
