وزیراعظم کے خلاف تحریک عدم اعتماد لانا اپوزیشن کا حق ہے ، اسپیکر ایاز صادق

اسلام آباد(پاک ترک نیوز )اسپیکر قومی اسمبلی سردار ایاز صادق نے کہا ہے کہ وزیراعظم کے خلاف تحریک عدم اعتماد لانا اپوزیشن کا حق ہے، تحریک عدم اعتماد آئے گی تو اس کو دیکھا جائے گا۔
میڈیا سے گفتگو کرتے ہوئے اسپیکر ایاز صادق نے کہا کہ اپوزیشن کا قانون سازی کے حوالے سے اتحاد اچھی چیز ہے، پارلیمنٹ میں قانون سازی کے لیے اپوزیشن کا متحرک ہونا خوش آئند ہے۔
انہوں نے کہا کہ پارلیمنٹ میں کورم پورا کرنا حکومت اور اپوزیشن دونوں کی ذمہ داری ہے۔
دوسری جانب سیکرٹری الیکشن کمیشن نے اسپیکر قومی اسمبلی سردار ایاز صادق سے ملاقات کی، جس میں قانون سازی اور بلدیاتی انتخابات سے متعلق امور پر بات چیت کی گئی۔
ذرائع کے مطابق الیکشن کمیشن بلدیاتی انتخابات کے انعقاد کے لیے تیار ہے، جبکہ ملاقات میں بلدیاتی انتخابات کے حوالے سے قانونی اور انتظامی امور کا بھی جائزہ لیا گیا۔