کراچی (پاک ترک نیوز )کراچی کے علاقے ڈیفنس خیابانِ بخاری میں خواتین کے درمیان جھگڑے کے معاملے پر ڈی آئی جی ساؤتھ نے اپنی رپورٹ کراچی پولیس چیف کو ارسال کردی۔
رپورٹ میں ایس ایس پی کورنگی کے خلاف کارروائی کی سفارش کی گئی ہے، جبکہ ایس ایس پی کورنگی کی سالی، ساس، برادرِ نسبتی اور بعض پولیس اہلکاروں کے خلاف مقدمہ درج کرنے کی بھی سفارش کی گئی ہے۔
رپورٹ کے مطابق متاثرہ خاندان کے خلاف درج مقدمے کو بی کلاس کرنے کی سفارش بھی کی گئی ہے۔
ڈی آئی جی ساؤتھ کی رپورٹ میں ایس ایچ او درخشاں، ایس آئی او، انویسٹی گیشن افسر اور موبائل افسر کو معطل کرنے کی سفارش بھی شامل ہے۔
ذرائع کے مطابق رپورٹ میں واقعے کے مختلف پہلوؤں کا جائزہ لینے کے بعد پولیس افسران اور اہلکاروں کے کردار کا بھی تعین کیا گیا ہے۔
