لاہور(پاک ترک نیوز )لاہور کے علاقے غالب مارکیٹ میں فائرنگ سے پی ٹی آئی رہنما عبداللہ طاہر کی ہلاکت کی تحقیقات جاری ہیں ،پولیس نے 6 ملزمان کو گرفتار کر لیا۔
پولیس ذرائع کے مطابق ملزمان کو شوٹرز کی سہولت کاری کے الزام میں گرفتار کیا گیا ، شوٹرز کو لانے والی گاڑی گوجرانوالہ سے رینٹ پر لی گئی گاڑی تحویل میں لے لی گئی۔
پولیس ذرائع کے مطابق ملزمان نے گاڑی حاصل کرنے کے بعد جعلی نمبر پلیٹ لگائی ، ملزمان گلبرگ تک گاڑی میں جبکہ کلینک پر موٹرسائیکلوں پر آئے ۔مرکزی ملزمان تاحال گرفتار نہ ہو سکے ان کی گرفتاری کے لئے کوششیں جاری ہیں۔
