اسلام آباد(پاک ترک نیوز)نائب وزیراعظم و وزیر خارجہ اسحاق ڈار نے کوہاٹ میں پولیس اہلکاروں پر دہشت گرد حملے میں قیمتی جانوں کے ضیاع پر گہرے دکھ اور افسوس کا اظہار کیا ہے۔
اسحاق ڈار کا کہنا ہے کہ شہید پولیس اہلکاروں نے اپنے فرائض کی ادائیگی کے دوران جامِ شہادت نوش کیا، ان کی قربانیاں ہمیشہ یاد رکھی جائیں گی۔
یہ بھی پڑھیں: موسمیاتی تبدیلی سندھ کے لیے بڑا چیلنج، مراد علی شاہ کا اقدامات تیز کرنے کا حکم
نائب وزیراعظم نے شہداء کے اہلِ خانہ سے دلی تعزیت اور ہمدردی کا اظہار کرتے ہوئے زخمی اہلکاروں کی جلد صحتیابی کے لیے دعا بھی کی۔
اسحاق ڈار نے اپنے بیان میں کہا کہ دہشت گردی کے خلاف جنگ میں پوری قوم متحد اور پُرعزم ہے اور ملک سے دہشت گردی کے خاتمے کے لیے قومی عزم برقرار ہے۔
