لاہور(پاک ترک نیوز)وزیراعلیٰ پنجاب نے قومی خزانے کو مبینہ طور پر ڈیڑھ ارب روپے کا نقصان پہنچانے والے عناصر کے خلاف کارروائی کو تاریخی اقدام قرار دے دیا۔
وزیراعلیٰ پنجاب مریم نواز شریف نے جعلی کورٹ فیس ٹکٹوں کے ذریعے قومی خزانے کو مبینہ طور پر ڈیڑھ ارب روپے کا نقصان پہنچانے والے عناصر کے خلاف کارروائی پر چیف جسٹس لاہور ہائیکورٹ جسٹس عالیہ نیلم کو خراجِ تحسین پیش کیا ہے۔
اپنے بیان میں مریم نواز شریف نے کہا کہ قومی خزانے کو نقصان پہنچانے والوں کے خلاف چیف جسٹس لاہور ہائیکورٹ کا تاریخی ایکشن قابلِ تحسین ہے۔ ملکی خزانے کو نقصان پہنچانے والے مافیاز حقیقی معنوں میں قومی مجرم ہیں۔
وزیراعلیٰ پنجاب کا کہنا تھا کہ کرپشن اور جرائم کے خلاف عدلیہ اور انتظامیہ کا ایک پیج پر ہونا بہتری کی نوید ہے۔
یہ بھی پڑھیں: ترکیہ میں شمسی توانائی کا بڑا انقلاب، یورپ کے بڑے سولر فارمز میں سے ایک فعال
انہوں نے پنجاب میں کرپشن کے خاتمے کی کوششوں میں چیف جسٹس لاہور ہائیکورٹ کے تعاون پر بھی شکریہ ادا کیا۔
