لاہور( پاک ترک نیوز) ویمنز ایشیا کپ میں شرکت کے لیے پاکستان ویمن کرکٹ ٹیم دبئی روانہ ہوگئی، میگا ایونٹ 28 اگست سے 13 ستمبر تک دبئی میں کھیلا جائے گا۔روانگی سے قبل پاکستان ویمن ٹیم نے ٹریننگ کیمپ میں بھرپور تیاری کی۔ کپتان فاطمہ ثنا کی قیادت میں قومی ٹیم نے کیمپ کے دوران بوائز ٹیم کے ساتھ متعدد پریکٹس میچز بھی کھیلے۔پاکستان ویمن ٹیم ایشیا کپ میں اپنی مہم کا آغاز یکم ستمبر کو تھائی لینڈ کے خلاف میچ سے کرے گی۔
یہ بھی پڑھیں: پاکستان ویمن کرکٹر ایمن انور کا انٹرنیشنل کرکٹ سے ریٹائرمنٹ کا اعلان
قومی ٹیم کا سب سے اہم میچ روایتی حریف بھارت کے خلاف 5 ستمبر کو شیڈول ہے، جبکہ پاکستان اپنا آخری گروپ میچ 7 ستمبر کو ہانگ کانگ کے خلاف کھیلے گا۔قومی ویمن ٹیم نے ایشیا کپ سے قبل بھرپور تیاری کی ہے اور کھلاڑی ایونٹ میں بہتر کارکردگی کے لیے پُرعزم ہیں۔
