لاہور( پاک ترک نیوز) ٹی ٹونٹی ورلڈ کپ سپر ایٹ مرحلہ کا آغاز ہو چکا ہے ۔ پاکستان اور نیوزی لینڈ کی ٹیموں کے درمیان گزشتہ روز کھیلا جانے والا میچ بارش کے باعث منسوخ کردیا گیا اور دونوں ٹیموں کو ایک ایک پوائنٹ مل گیا ۔ شائقین کرکٹ کے ذہنوں میں ابھی بھی یہ سوال موجود ہے کہ کیا پاکستان اور بھارت کی ٹیموں ایک بار پھر مد مقابل آ سکتی ہیں ۔
موجودہ صورتحال میں پاکستان کی سیمی فائنل میں رسائی آسان نہیں ہے ۔ پاکستان کے گروپ میں نیوزی لینڈ کے علاوہ سری لنکا اور انگلینڈ کی ٹیمیں موجود ہیں جن کیخلاف پاکستان کو لازمی فتح درکار ہو گی تب ہی وہ اگلے مرحلے میں رسائی حاصل کر سکے گا ۔
دوسری جانب انڈیا کو بھی سیمی فائنل میں رسائی کیلئے سپر ایٹ مرحلے میں جنوبی افریقہ ، ویسٹ انڈیز اور زمبابوے کا چیلنج درپیش ہو گا ۔
بھارت آج اپنے پہلے میچ میں سائوتھ افریقہ کا مقابلہ کرنے جا رہا ہے یہ سپر ایٹ میں اس کا پہلا مقابلہ ہو گا ۔
دونوں ٹیموں کی کارکردگی کے بعد ہی اس بات کا امکان ہے کہ روایتی حریف ایک بار پھر میگا ایونٹ میں مدمقابل آ سکیں ۔
جی ہاں، دونوں ٹیمیں سیمی فائنل یا فائنل میں مدِمقابل آ سکتی ہیں لیکن اس کے لیے سپر ایٹ مرحلے میں دونوں ٹیموں کی کارکردگی کا عمل دخل ہو گا۔
یاد رہے کہ ٹی ٹوٹنی ورلڈ کپ میں کولمبو میں کھیلے گئے لیگ میچ میں انڈیا نے پاکستان کو 61 رنز سے شکست دی تھی۔ پاکستان انڈیا سے مجموعی طور 13 ٹی 20 میچ ہار چکا ہے۔ جہاں تک ٹی ٹوئنٹی ورلڈ کپ کا تعلق ہے تو انڈیا نے آٹھ جبکہ پاکستان نے صرف ایک میچ میں کامیابی حاصل کر رکھی ہے۔
کیا پاکستان اور بھارت کی ٹیمیں ٹی ٹونٹی ورلڈ کپ میں ایک بار پھر آمنے سامنے آئیں گی ؟
