وارنر نے ویرات کوہلی کو پیچھے چھوڑ کر ٹی ٹونٹی میں اہم سنگ میل عبور کرلیا

کراچی(پاک ترک نیوز) آسٹریلیا کے سابق اوپنر ڈیوڈ وارنر نے دی ہنڈرڈ میں لندن سپرٹ کی جانب سے 51 گیندوں پر 71 رنز بناکر آل ٹائم رنز سکورر کی فہرست میں کوہلی سے آگے نکل گئے۔
ٹی 20 کرکٹ میں سب سے زیادہ رنز بنانے والوں کی فہرست میں اب وارنر پانچویں نمبر پر پہنچ گئے، کوہلی نے اپنے آخری ٹی 20 میچ 4 جون کو آئی پی ایل میں رائل چیلنجرز بنگلور کی نمائندگی کی تھی۔
کوہلی اب تک 414 ٹی 20 میچز میں مجموعی طور پر 13ہزار 543 رنز جوڑ کر چھٹی پوزیشن پر چلے گئے جبکہ وارنر 419 میچز میں 13 ہزار 545 رنز بناکر ان سے آگے نکل گئے۔
ٹی 20 میں وارنر 8 سنچریاں اور 113 نصف سنچریاں بناچکے ہیں ۔ مختصر فارمیٹ میں سب سے زیادہ ففٹی پلس اسکورز کرنے والے بیٹر بھی ہیں، ٹی 20 کرکٹ میں سب سے زیادہ رنز بنانے کا ریکارڈ کرس گیل (14 ہزار 562) کے پاس ہے۔
دوسرے نمبر پر کیرون پولارڈ (13 ہزار 854)، تیسرے پرایلکس ہیلز (13 ہزار 814)اور چوتھے پر شعیب ملک (13 ہزار 571 رنز) موجود ہیں۔