واشنگٹن ( پاک ترک نیوز) امریکی صدر نے مشرق وسطیٰ کے تنازع میں کمی کے لئے ایران کی حالیہ تجاویز پر تحفظات کا اظہار کر دیا ڈونلڈ ٹرمپ نے ایرانی تجاویز پر قومی سلامتی کی ٹیم سے مشاورت کی ۔ امریکی میڈیا کا کہنا ہے کہ صدر ٹرمپ فی الوقت صرف آبنائے ہرمز کھولنے اور جوہری مواد کے معاملےمذکرات موخر کرنے کی تجویز پر خوش نہیں۔
حکام کے مطابق ایران کی جوہری افزودگی یا یورینیم کے ذخیرےسے متعلق سوالات حل کئے بغیر آبنائے ہرمز کو کھولنا مذاکرات میں امریکی دباؤ کو کمزور کر سکتا ہے ۔ امریکی حکام کے مطابق واشنگٹن کو ایران کی قیادت کے ممکنہ اندرونی اختلافات پر بھی شدید تحفظات ہیں ، صدر ٹرمپ ایرانی حکومت کو منقسم قرار دے چکے۔
یہ بھی پڑھیں: صدر ٹرمپ کو حملے کے وقت پرچی دکھانے والا جادوگر کون تھا؟
ترجمان وائٹ ہاؤس کا کہنا ہے ایرانی تجاویز پر غور جاری ہے،، تاہم آبنائے ہرمز سے بارودی سرنگیں ہٹانے کے کسی آپریشن سے متعلق معلومات نہیں ، صدرٹرمپ تجاویز کا جائزہ لے رہے ہیں،، کیرولین لیویٹ نے پریس بریفنگ میں بتایا، صدر ٹرمپ پر تیسری بار قاتلانہ حملہ ہوا، جس کے بعد انہیں فوری طور پر محفوظ مقام پر منتقل کر دیا گیا، صدر ٹرمپ کو سیکرٹ سروس پر مکمل اعتماد ہے۔
