لاہور( پاک ترک نیوز) معروف شاعر، ادیب، افسانہ نگار اور کالم نگار احمد ندیم قاسمی کو بچھڑے بیس برس بیت گئے ۔احمد ندیم قاسمی کا اصل نام احمد شاہ اعوان تھا ،20 نومبر 1916 کو ضلع خوشاب کے گاؤں انگا میں پیدا ہوئے۔
احمد ندیم قاسمی نے شاعری، صحافت، افسانہ نگاری اور فنونِ لطیفہ پر تقریباً پچاس کتابیں لکھیں۔ انہوں نے غزل اور نظم دونوں اصناف میں طبع آزمائی کی۔ ان کے مشہور شعری مجموعوں میں جلال و جمال، شعلہ گل اورکشتِ وفا شامل ہیں۔
احمد ندیم قاسمی کے افسانوی مجموعوں میں چوپال، سناٹا، کپاس کا پھول، بگولے، طلوع و غروب، سیلاب و گرداب، آنچل اورگھر سے گھر تک شامل ہیں۔
یہ بھی پڑھیں: اردو اور پنجابی کے عظیم شاعر منیر نیازی کا 98واں جنم دن
حکومت پاکستان کی طرف سے فن کے اعتراف میں تمغہ حسن کارکردگی اور ستارہ امتیاز سے نوازا گیا ۔ احمد ندیم قاسمی 2006 میں آج کے روز 89 برس کی عمر میں لاہور میں انتقال کر گئے تھے۔
