لاہور( پاک ترک نیوز) تیل کی قیمت بڑھے گی۔۔۔تو جیب عوام کی کٹے گی ۔حکومت نے عالمی مالیاتی فنڈ کو صاف بتا دیا۔۔۔ایندھن مہنگا ہونے کا بوجھ عوام پر منتقل کیا جائے گایعنی عالمی منڈی میں تیل مہنگا ہوا۔۔۔تو پاکستان میں بھی اس کا حساب عوام سے لیا جائے گا پاکستان اور عالمی مالیاتی فنڈ کے درمیان اہم مذاکرات جاری ہیں۔۔۔اور ایندھن کی قیمتوں کے حوالے سے بڑی پیش رفت سامنے آگئی۔آئی ایم ایف نے پاکستان پر مالیاتی استحکام یقینی بنانے اور توانائی کے شعبے میں بڑھتے گردشی قرضے کو کم کرنے کے لیے اصلاحات جاری رکھنے پر زور دیا ہے۔آئی ایم ایف مشن نے پاکستانی حکام سے بڑھتے قرضوں کے بوجھ کو قابو کرنے کے لیے مستقل اور مؤثر اقدامات کا مطالبہ کیا۔توانائی کے شعبے میں گردشی قرضہ۔۔۔آئی ایم ایف کے لیے ایک بار پھر بڑا مسئلہ بن گیا۔مذاکرات میں پیٹرولیم لیوی بھی زیر بحث آئی۔آئی ایم ایف نے واضح کیا کہ اگر پیٹرولیم لیوی میں کمی کی گئی۔۔۔تو اس سے پیدا ہونے والے مالیاتی خلا کو کسی دوسرے ذریعے سے آمدن حاصل کرکے پورا کرنا ہوگا۔اور سب سے اہم بات۔۔۔پاکستانی حکام نے آئی ایم ایف کو یقین دہانی کرائی ہے کہ عالمی سطح پر جاری خلیجی جنگ اور ایندھن کی قیمتوں میں اضافے کے باوجود ساختی اصلاحات کا عمل جاری رکھا جائے گا۔یعنی عالمی منڈی میں جھٹکا آیا۔۔۔تو اس کا اثر پاکستان میں بھی قیمتوں پر پڑ سکتا ہے!حکومت کا کہنا ہے کہ ایندھن کی بڑھتی قیمتوں سے معاشرے کے کمزور طبقات کو بچانے کے لیے ہدفی معاونت فراہم کی جا رہی ہے۔
یہ بھی پڑھیں: حکومت اور پی ٹی آئی میں مذاکرات آج ہوں گے
لیکن سوال یہ ہے۔۔۔اگر عالمی منڈی میں تیل مزید مہنگا ہوا۔۔۔تو کیا پٹرول پھر مہنگا ہوگا؟اور اگر قیمت بڑھی۔۔۔تو اس کا بوجھ کس پر پڑے گا؟رپورٹ کے مطابق پاکستانی حکام نے آئی ایم ایف کو یقین دہانی کرائی ہے کہ ایندھن کی قیمتوں میں اضافے کا بوجھ عوام کو منتقل کیا جائے گا۔۔۔جبکہ کمزور طبقے کو ہدفی معاونت کے ذریعے تحفظ دینے کی کوشش کی جائے گی۔
