سعودی حکومت کا نئے عمرہ سیزن کے شیڈول کا اعلان

ریاض ( پاک ترک نیوز) سعودی وزارتِ حج و عمرہ نے نئے عمرہ سیزن کے شیڈول کا اعلان کر دیا، جس میں ویزوں، معاہدوں اور زائرین کی آمد سے متعلق اہم تاریخیں اور الیکٹرانک سہولیات شامل ہیں ،وزارت کے مطابق یہ اقدام آپریشنل کارکردگی بہتر بنانے اور عمرہ زائرین کو بہترین سہولیات فراہم کرنے کی کوششوں کا حصہ ہے۔
کیلنڈر کے مطابق عمرہ ویزوں کے اجرا اور زائرین کی مملکت آمد کا آغاز 31 مئی 2026 سے ہوگا۔ عمرہ زائرین یکم جون 2026 سے نسک ایپلی کیشن کے ذریعے عمرہ پرمٹ حاصل کرسکیں گے اور مکہ میں داخل ہوسکیں گے۔
عمرہ ویزوں کے اجرا کی آخری تاریخ 9 مارچ 2027 مقرر کی گئی ہے جبکہ عمرہ زائرین کے مملکت میں داخلے کی آخری تاریخ 23 مارچ 2027 ہے۔و ارت نے مزید بتایا کہ 7 اپریل 2027 عمرہ زائرین کی روانگی کی آخری تاریخ ہوگی۔
وزارت نے عمرہ کپمنیوں اور بیرون ملک ایجنٹس پر زور دیا کہ وہ منظور شدہ شیڈول کی پابندی کریں۔ وزارت کی جانب سے جاری کردہ تمام ضوابط اور ہدایات پر عمل کریں تاکہ پورے سیزن کے دوران اعلی معیار کی خدمات کو یقینی بنایا جا سکے۔