لاہور( پاک ترک نیوز) پاکستان کرکٹ ٹیم کے مایہ ناز اوپننگ بلے باز صائم ایوب ٹی ٹونی میں ایک مرتبہ نمبر ون آل رائونڈر بن گئے ۔ قومی بیٹر نے زمبابوے کے کپتان سکندر رضا سے ریکارڈ چھین لیا ۔
محمد نواز کی ٹی ٹونٹی رینکنگ میں ترقی ہوئی ہے وہ ساتویں سے چوتھی پوزیشن پرہے ۔ اس سے قبل قومی بلے باز صائم ایوب اکتوبر سے پہلے ہفتے میں بھی نمبر ون آل رائونڈر بنے تھے ۔
ٹی ٹوٹنی بیٹنگ میں بھارت کے ابھیشک شرما پہلی پوزیشن پر موجود ہیں جبکہ انگلینڈ کے فل سالٹ کی دوسری پوزیشن ہے ۔ قومی بلے باز صاحبزادہ فرحان دو درجہ تنزلی کے بعد چوتھے سے چھٹے نمبر پر پہنچ گئے ہیں۔
بائولنگ کے شعبے میں ابرار احمد ترقی کر کے آٹھویں سے چوتھی پوزیشن پر پہنچ گئے ہیں ۔ محمد نواز کی 2درجہ ترقی کے بعد 11ویں پوزیشن ہے۔
ایک روزہ بیٹنگ رینکنگ میں سابق بھارتی کپتان ویرات کوہلی ایک درجہ ترقی کے بعد چوتھے نمبر پر آ گئے ہیں، بابر اعظم کی ون ڈے رینکنگ میں بدستور چھٹی پوزیشن برقرار ہے، ون ڈے باؤلنگ رینکنگ میں ابرار احمد کی نویں پوزیشن برقرار ہے۔
