تہران(پاک ترک نیوز)آبنائے ہرمز میں ایران کے پاسدارانِ انقلاب کی بحریہ نے ایل پی جی بردار بڑے جہاز کو نشانہ بنانے کا دعویٰ کیا ہے۔
ایرانی بحریہ کے مطابق جہاز این وی سن شائن کو آبنائے ہرمز کے جنوبی حصے میں نشانہ بنایا گیا۔ پاسدارانِ انقلاب بحریہ کا کہنا ہے کہ جہاز غیر قانونی راستے سے گزرنے کی کوشش کر رہا تھا۔
حملے کے نتیجے میں جہاز کے انجن اور نظامِ محرک میں آگ بھڑک اٹھی۔
واقعے سے متعلق جہاز کو پہنچنے والے نقصان، عملے کی صورت حال اور حملے کے دیگر ممکنہ اثرات کی تفصیلات تاحال سامنے نہیں آئیں۔
