تحران (پاک ترک نیوز)آبنائے ہرمز میں کشیدگی مزید بڑھ گئی، ایرانی پاسدارانِ انقلاب نے دو روز کے دوران تیسرے سپر ٹینکر کو نشانہ بنانے کا دعویٰ کر دیا۔ ایرانی حکام کے مطابق حملے کے بعد ٹینکر میں آگ بھڑک اٹھی۔
پاسدارانِ انقلاب کا کہنا ہے کہ ٹینکر نے اپنا جہاز رانی کا نظام بند کر رکھا تھا اور انتباہ کے باوجود ہدایات پر عمل نہیں کیا، جس کے بعد اسے نشانہ بنایا گیا۔
ایران نے امریکی فوج کے ساتھ تعاون کرنے والے تجارتی جہازوں اور تیل بردار ٹینکروں کے خلاف مزید کارروائیوں کی دھمکی بھی دے دی ہے۔
یہ بھی پڑھیں: سعودی عرب پر حوثیوں کے میزائل حملے
آبنائے ہرمز میں بڑھتی ہوئی کشیدگی سے عالمی بحری تجارت اور تیل کی ترسیل کو خطرات لاحق ہو سکتے ہیں۔ یہ اہم بحری گزرگاہ عالمی منڈیوں تک تیل پہنچانے کے لیے کلیدی حیثیت رکھتی ہے، جہاں کسی بھی قسم کی رکاوٹ عالمی توانائی کی منڈیوں کو متاثر کر سکتی ہے۔
