لاہور(پاک ترک نیوز)بچوں کے سوشل میڈیا استعمال پر پابندی کا معاملہ لاہور ہائیکورٹ پہنچ گیا، عدالت نے آئندہ سماعت پر فریقین سے جواب طلب کرلیا۔
چیف جسٹس لاہور ہائیکورٹ عالیہ نیلم نے آٹھویں جماعت کی طالبہ علایا سلیم کی درخواست پر سماعت کی۔ درخواست گزار کی جانب سے وکیل شیزہ قریشی پیش ہوئیں۔
سماعت کے دوران ایک مقامی وکیل کی جانب سے مرکزی کیس میں فریق بننے کے لیے دائر متفرق درخواست عدالت نے مسترد کردی، جبکہ مرکزی درخواست پر مزید کارروائی 2 دسمبر تک ملتوی کردی گئی۔
عدالت نے آئندہ سماعت پر دیگر فریقین سے جواب بھی طلب کرلیا۔
یہ بھی پڑھیں: غیر ملکی خاتون ڈیانا سے مبینہ زیادتی کا مقدمہ، ملزمہ نمرہ کی عبوری ضمانت خارج
اس موقع پر چیف جسٹس عالیہ نیلم نے ریمارکس دیے کہ درخواست گزار کی وکیل بہت اچھے طریقے سے کیس کو آگے لے کر چل رہی ہیں۔
درخواست میں مؤقف اختیار کیا گیا ہے کہ سوشل میڈیا بچوں کی ذہنی، اخلاقی اور تعلیمی نشوونما کو شدید نقصان پہنچا رہا ہے، اس لیے 16 سال سے کم عمر بچوں کے سوشل میڈیا استعمال پر پابندی عائد کی جائے۔
