اسلام آباد ( پاک ترک نیوز) ٹائمز ہائر ایجوکیشن کی 2027کی عالمی یونیورسٹی درجہ بندی جاری کردی گئی، جس میں متعدد پاکستانی جامعات نے مختلف درجات میں جگہ بنالی ہے۔درجہ بندی کے مطابق قائداعظم یونیورسٹی پاکستان کی جامعات میں نمایاں پوزیشن پر ہے اور عالمی سطح پر 551 سے 600 کے درمیان شامل کی گئی ہے۔نیشنل یونیورسٹی آف سائنسز اینڈ ٹیکنالوجی 601 سے 650، جبکہ کامسیٹس یونیورسٹی اسلام آباد 651 سے 700 کے درجے میں شامل ہے۔
بہاؤالدین زکریا یونیورسٹی کو عالمی سطح پر 701 سے 800 کے درمیان رکھا گیا ہے، جبکہ پاکستان کی متعدد دیگر جامعات 801 سے 1000 کی عالمی درجہ بندی میں شامل ہیں۔ایئر یونیورسٹی، گومل یونیورسٹی اور گورنمنٹ کالج یونیورسٹی فیصل آباد بھی عالمی درجہ بندی کا حصہ بن گئی ہیں۔انٹرنیشنل اسلامک یونیورسٹی اسلام آباد اور پنجاب یونیورسٹی سمیت لمز اور یونیورسٹی آف لاہور بھی عالمی درجہ بندی میں شامل ہیں۔
یہ بھی پڑھیں: اساتذہ کا عالمی دن آج منایا جا رہا ہے
دوسری جانب کراچی کی سرکاری جامعات نسبتاً نچلے درجوں میں شامل ہوئی ہیں۔ ڈاؤ یونیورسٹی آف ہیلتھ سائنسز اور یونیورسٹی آف کراچی کو 1601 سے 1800 کی عالمی درجہ بندی میں جگہ دی گئی ہے۔نیشنل یونیورسٹی آف انجینئرنگ اینڈ ٹیکنالوجی کو 1801 سے 2000 کی عالمی درجہ بندی میں شامل کیا گیا ہے۔
