کولمبو( پاک ترک نیوز) پاکستان ٹی ٹونٹی ورلڈ کپ سپر ایٹ مرحلے کے اپنے دوسرے میچ میں کل انگلینڈ کیخلاف میدان میں اترے گا ۔ اگلے مرحلے میں رسائی کیلئے پاکستان کو لازمی فتح درکار ہے ۔
اس سے قبل سپر ایٹ مرحلے میں پاکستان کا پہلا میچ نیوزی لینڈ کیخلاف بارش کی نذر ہو گیا تھا ، جس کے باعث پاکستان کو سیمی فائنل میں رسائی کیلئے اپنے باقی دو نوںمیچز جیتنے لازمی ہیں ۔
بارش کے باعث منسوخ ہونے کی وجہ سے پاکستان اور نیوزی لینڈ کی ٹیموں کو ایک ایک پوائنٹس حاصل ہوا تھا ۔ اس وقت پوائنٹس ٹیبل پر پاکستان تیسرے نمبر پر موجود ہے ۔
انگلینڈ کی ٹیم نے اپنے پہلے میچ میں سری لنکا کو شکست سے دوچار کیا تھا اور وہ اس وقت پہلی پوزیشن پر موجود ہے ۔پاکستان سپر ایٹ مرحلے میں اپنا آخری میچ سری لنکا کیخلاف کھیلے گا جو 28فروری کو ہو گا۔
واضح رہے کہ پاکستان کے گروپ میں انگلینڈ ، نیوزی لینڈ اور سری لنکا کی ٹیمیں ہیں جبکہ دوسرے گروپ میں سائوتھ افریقہ ، انڈیا، ویسٹ انڈیز اور زمبابوے کی ٹیموں مد مقابل ہیں۔
دونوں گروپس سے ٹاپ 2ٹیموں سیمی فائنل کیلئے کوالیفائی کریں گی۔
