) بھارتی فوج کے متنازع فوجی آپریشن “بلیو سٹار” کو 42 سال مکمل
نئی دہلی ( پاک ترک نیوز) بھارتی فوج کے متنازع فوجی آپریشن “بلیو سٹار” کو 42 سال مکمل ہو گئے ، سکھ برادری آج بھی انصاف کی منتظر ہے ۔
تفصیلات کےمطابق سکھ برادری کیخلاف بھارتی فوج کے آپریشن بلیو سٹار کو 42 سال مکمل ہوگئے۔
بھارتی فوج کے اس آپریشن کا آغاز یکم جون 1984 کو امرتسر میں گولڈن ٹیمپل پر کارروائی سے ہوا، جس کے دوران سکیورٹی فورسز نے احاطے کو خالی کرانے کے لیے آپریشن کیا۔
آپریشن بلیو سٹار کے دوران ہزاروں نہتے مرد، خواتین ، بزرگ اور بچے بھارتی فوج کی سفاکی کا نشانہ بنے۔ سکھ برادری اسے اپنی مذہبی اور تاریخی شناخت پر حملہ قرار دیتی ہے۔
سکھ رہنماؤں اور تنظیموں کا کہنا ہے کہ یہ واقعہ انسانی حقوق کی خلاف ورزی اور اقلیتوں کے ساتھ امتیازی سلوک کی ایک مثال ہے۔
مختلف ممالک، جن میں برطانیہ، کینیڈا اور امریکہ شامل ہیں، میں اس واقعے کے حوالے سے سکھ برادری کی جانب سے احتجاجی مظاہرے بھی کے گئے ۔
سابق بھارتی وزیر اعلیٰ پنجاب پرکاش سنگھ بادل کے حوالے سے بھی ماضی میں اس آپریشن پر سخت ردعمل سامنے آیا تھا، جبکہ بعض مؤرخین اور صحافیوں نے اسے ایک متنازع اور غلط منصوبہ بندی پر مبنی کارروائی قرار دیا ہے۔
معروف سکھ مورخ ہرجندر سنگھ دلگیر کے مطابق یہ آپریشن سکھوں کے خلاف ایک سوچے سمجھے منصوبے کا حصہ تھا۔
چار دہائیاں گزرنے کے باوجود سکھ برادری کا کہنا ہے کہ وہ اس واقعے کے لیے انصاف اور جوابدہی کی منتظر ہے۔
یہ بھی پڑھیں: گلگت بلتستان میں انتخابی مہم ختم، پولنگ کل ہوگی
