نیو یارک ( پاک ترک نیوز) نیویارک میں اسرائیل ڈے پریڈ میں میئر ظہران ممدانی کی عدم شرکت پر سیاسی بحث چھڑ گئی۔
نیویارک کے پولیس کمشنر نے گرینڈ مارشل کے طور پر پریڈ کی قیادت کی۔اسرائیل ڈے پریڈ روایتی طور پر نیویارک کے میئرز، گورنرز اور دیگر سیاسی رہنماؤں کی لازمی شرکت والی تقریبات میں شمار ہوتی ہے، جہاں ہزاروں افراد اسرائیل کے ساتھ اظہارِ یکجہتی کے لیے ففتھ ایونیو پر جمع ہوتے ہیں۔
نیویارک کے میئر ظہران ممدانی نے کہا انتخابی مہم کے دوران ہی واضح کر دیا تھا کہ میں اس پریڈ میں شرکت نہیں کروں گا، اسرائیلی حکومت کے بارے میں میرے مؤقف سب کے سامنے ہیں۔
میئر مامدانی کے فیصلے نے ایک طویل سیاسی روایت توڑ دی، کیونکہ ماضی میں نیویارک کے میئرز اس تقریب میں باقاعدگی سے شریک ہوتے رہے ہیں۔
نیویارک کے ریپبلکن گورنر امیدوار بروس بلیک مین نے ظہران ممدانی پر تنقید کرتے ہوئے انہیں اسرائیل مخالف قرار دیا ہے،کہتے ہیں میرے خیال میں وہ یہود دشمن اور اسرائیل مخالف ہیں۔ ۔ظہران ممدانی اسرائیل پر تو تنقید کرتے ہیں لیکن ایران، روس اور چین جیسے ممالک میں انسانی حقوق کی صورتحال پر خاموش رہتے ہیں۔
اقوام متحدہ میں اسرائیل کے سفیر ڈینی ڈینن نے کہا میئر کی عدم شرکت کے باوجود ہزاروں افراد کی موجودگی اسرائیل کے لیے مضبوط حمایت کا ثبوت ہے۔
نیویارک میں اسرائیل ڈے پریڈ،میئر ظہران ممدانی کی عدم شرکت ،نئی سیاسی بحث چھڑ گئی
