کراچی ( پاک ترک نیوز) ایم پاکس نے ایک بار پھر سر اٹھا لیا، سندھ انفیکشن ڈیزیز اسپتال نیپا میں 3 تصدیق شدہ اور ایک مشتبہ کیس رپورٹ ہوا ہے۔
اسپتال ذرائع کے مطابق مجموعی طور پر رپورٹ ہونے والے 3 تصدیق شدہ کیسز میں سے 2 کا تعلق اندرون سندھ جبکہ ایک مریض کراچی سے ہے۔ اندرون سندھ سے تعلق رکھنے والے مریضوں میں باپ اور بیٹی بھی شامل ہیں۔
یہ بھی پڑھیں: لارک اور خارگ جزیرے ایران کیلئے اتنے اہم کیوں؟
کراچی سے رپورٹ ہونے والا 46 سالہ مریض فیڈرل بی ایریا کا رہائشی ہے۔ تینوں مریضوں کے پی سی آر ٹیسٹ میں ایم پاکس کی تصدیق ہوئی ہے، جبکہ ایک مشتبہ کیس کی ٹیسٹ رپورٹ کا انتظار ہے۔اسپتال ذرائع کے مطابق رواں سال ملک میں ایم پاکس کے تصدیق شدہ کیسز کی تعداد 40 ہوگئی ہے، جبکہ کراچی میں مجموعی طور پر تصدیق شدہ کیسز کی تعداد 13 تک پہنچ گئی ہے۔
