اسلام آباد ( پاک ترک نیوز) دنیا کے 10 اہم ممالک میں پاکستانی سفرا تعینات نہ ہونے کا انکشاف ہوا ہے۔وزارت خارجہ نے بیرون ملک پاکستانی ہائی کمشنرز اور سفیروں کی تفصیلات پارلیمنٹ میں پیش کر دیں۔دستاویز کے مطابق اس وقت 10 ممالک میں پاکستان کے سفارت خانے سفیر یا ہائی کمشنر سے محروم ہیں۔جرمنی، لیبیا، بیلاروس اور ایران جیسے اہم ممالک میں بھی پاکستانی سفیر تاحال تعینات نہیں کیے گئے۔
دستاویز کے مطابق افغانستان، بوسنیا، تیونس، نائیجر اور کینیا میں بھی پاکستانی سفیر تعینات نہیں ہیں، جبکہ یوگینڈا میں پاکستانی ہائی کمیشن بھی مستقل ہائی کمشنر سے محروم ہے۔
وزارت خارجہ کے مطابق جرمنی، بوسنیا، نائیجر، کینیا اور یوگینڈا کے لیے سفیروں اور ہائی کمشنر کی تعیناتی کی منظوری دی جا چکی ہے۔وزارت خارجہ کا کہنا ہے کہ ایران، افغانستان اور بوسنیا میں بھی پاکستانی سفیروں کی تعیناتی جلد عمل میں لائی جائے گی۔
