لاہور (پاک ترک نیوز)وفاقی وزیر داخلہ محسن نقوی نے کہا ہے کہ ایران امریکا معاہدے سے متعلق ایک دو دن میں اچھی خبر آئے گی۔
لاہور میں میڈیا سے گفتگو کرتے ہوئے محسن نقوی نے کہا کہ امریکا ایران جنگ کا مسئلہ جلد حل ہو گا اور صلح ہو گی، وزیر اعظم اور فیلڈ مارشل پاکستان کی نمائندگی کریں گے۔
محسن نقوی نے کہا کہ تیل کی قیمتوں کو پلاننگ کے ساتھ مستحکم رکھا گیا ہے، ایسا نہ کرتے تو ملک میں پیٹرول کی قیمت ڈھائی سو روپے ایک ہی وقت میں بڑھ جاتی۔
کرکٹ کے حوالے سے گفتگو کرتے ہوئے محسن نقوی نے کہا ٹی ٹوئنٹی ، ٹیسٹ اور ون ڈے کرکٹ سے متعلق پالیسی بنارہے ہیں، جو کھلاڑی کسی کیٹگری پر پورا نہیں اترے گا انہیں کنٹریکٹ نہیں ملے گا چاہے وہ جو بھی ہو۔
