اسلام آباد (پاک ترک نیوز )وزیراعظم شہباز شریف سے قطر کے وزیرِاعظم کا ٹیلیفونک رابطہ ہوا ہے ۔وزیراعظم نے قطر کے امیر شیخ تمیم بن حمد آل ثانی اور برادر عوامِ کے لیے نیک تمناؤں کا اظہار کیا۔
قطری وزیرِاعظم نے بھی ان جذبات کا بھرپور خیرمقدم کرتے ہوئے جوابی نیک خواہشات کا اظہار کیا۔وزیراعظم نے خلیجی بحران کے دوران امن کے قیام کے لیے پاکستان کی کوششوں کی بھرپور حمایت پر قطر کا تہہ دل سے شکریہ ادا کیا
وزیراعظم شہبازشریف نے کہامتعلقہ فریقین کے مابین امن معاہدہ بہت جلد دستخط کے لیے تیار ہوگا۔قطری وزیراعظم نے پاکستان کی خصوصی سفارتی اور امن کوششوں کو سراہا
قطری وزیرِاعظم نے وزیراعظم محمد شہباز شریف اور فیلڈ مارشل سید عاصم منیر کو خراجِ تحسین پیش کیا۔ کہا دونوں نے سفارتی کاوشوں کو مؤثر انداز میں آگے بڑھانے میں کلیدی کردار ادا کیا۔
قطری وزیراعظم نے کہا قطر پاکستان کی امن کوششوں کی حمایت پر فخر محسوس کرتا ہے۔ ان اقدامات کے نتیجے میں خطے میں پائیدار امن قائم ہوگا۔
وزیراعظم نے قطر کے امیر شیخ تمیم بن حمد آل ثانی کو پاکستان کے سرکاری دورے کی دعوت دی
وزیراعظم ہاؤس کے مطابق قطر کے امیر کے دورہ پاکستان دونوں رہنماؤں کے درمیان پہلے ہی اتفاق ہو چکا ہے۔دونوں رہنماؤں نے قریبی رابطے میں رہنے پر بھی اتفاق کیا۔
