چکوال ( پاک ترک نیوز) چکوال میں سی سی ڈی اہلکار کی فائرنگ سے پاکستانی نژاد آسٹریلوی فیملی کی کمسن بچی کے جاں بحق ہونے کی تحقیقات جاری ہیں ۔ تفتیشی ٹیم نے بچی کے زخمی والد عدیل کا بیان بھی قلمبند کرلیا۔ذرائع کے مطابق عدیل احمد کا بیان خصوصی تفتیشی ٹیم نے قلمبند کیا، فائرنگ کرنے والے اہلکار کا تھانہ سی سی ڈی میں حاضری ریکارڈ بھی چیک کرلیا گیا۔
ذرائع کے مطابق پولیس کانسٹیبل شجاع سے فائرنگ میں استعمال سرکاری بندوق برآمد کرلی گئی، کانسٹیبل شجاع سے تفتیش مکمل ہونے پر جوڈیشل ریمانڈ پر جیل بھجوا دیا گیا۔کانسٹیبل شجاع کو علاقہ مجسٹریٹ سدرہ گل نواز نے جوڈیشل ریمانڈ پر جیل بھیج دیا۔عدالت نے 26 جون کو مقدمہ کا چالان طلب کرلیا۔
ذرائع کے مطابق جائے وقوعہ سے ملنے والے گولیوں کے خول فرانزک ٹیسٹ کے لئے لیبارٹری بھجوا دیئے گئے، متاثرہ خاندان سے ڈکیتی کرنے والے دونوں ڈاکو مبینہ مقابلہ میں ہلاک کر دیئے گئے
سی سی ڈی چیف سہیل ظفر چٹھہ نےراولپنڈی میں بے نظیر بھٹو اسپتال میں مقتولہ کے زخمی والد اور بھائی کی عیادت کی ہے ،ایم ایس بینظیر بھٹو ہسپتال ڈاکٹر شرجیل نے سی سی ڈی چیف کو بریفنگ دی ،
