اسلام آباد ( پاک ترک نیوز) خیبرپختونخوا میں گورنر راج یا ایمرجنسی کے نفاذ سے متعلق اہم فیصلے کے لیے آج اعلیٰ سطح کا اجلاس متوقع ہے، جس میں صدر مملکت آصف علی زرداری، وزیراعظم شہباز شریف اور عسکری حکام کی شرکت کا امکان ہے۔ذرائع کے مطابق اجلاس میں قومی سلامتی کے اداروں کی رپورٹس کا جائزہ لیا جائے گا، جبکہ خیبرپختونخوا کی صورت حال اور گورنر راج یا ایمرجنسی کے نفاذ سے متعلق مختلف پہلوؤں پر غور کیا جائے گا۔ذرائع کا کہنا ہے کہ وفاقی کابینہ کے ارکان کو اسلام آباد میں موجود رہنے کی ہدایت کی گئی ہے اور وفاقی وزرا کو اپنے حلقوں میں جانے سے روک دیا گیا ہے۔
یہ بھی پڑھیں: پاکستان نے پہلے ٹی 20 میں سری لنکا کو چار وکٹوں سے ہرا دیا
اس سلسلے میں وفاقی وزیر برائے پارلیمانی امور ڈاکٹر طارق فضل چوہدری کو کابینہ ارکان سے رابطے کی ذمہ داری سونپی گئی ہے تاکہ اہم فیصلے کی صورت میں تمام متعلقہ ارکان کی دستیابی یقینی بنائی جا سکے۔ذرائع کے مطابق وزیراعظم شہباز شریف نے اہم اجلاس طلب کر رکھا ہے اور وہ بھی ہفتے کے اختتام پر لاہور نہیں گئے۔ گورنر راج یا ایمرجنسی کے نفاذ کے لیے وفاقی کابینہ کی منظوری ضروری ہوگی۔
