راولپنڈی (پاک تری نیوز )سیریز کے پہلے ون ڈے میچ میں آسٹریلیا نے پاکستان کو جیت کےلیے 201 رنز کا ہدف دے دیا۔راولپنڈی کے پنڈی کرکٹ اسٹیڈیم میں کھیلے جارہے اس میچ میں پاکستان نے ٹاس جیت کر آسٹریلیا کو پہلے بیٹنگ کی دعوت دی۔
مہمان ٹیم 45ویں اوور میں 200 رنز بنا کر آل آؤٹ ہوگئی، اپنا پہلا میچ کھیلنے والے عرفات منہاس نے 5 وکٹیں حاصل کیں۔آسٹریلیا کی جانب سے میٹ رینشا نے سب سے زیادہ 61 رنز بنائے جبکہ میتھیو شارٹ نے 55 رنز کی اننگز کھیلی۔ میتھیو کوہنیمن نے 24، ایلکس کیری نے 19 رنز بنائے۔پاکستان کی جانب سے عرفات منہاس کے علاوہ ابرار احمد نے 2 جبکہ شاہین آفریدی، حارث رؤف اور سلمان علی آغا نے ایک ایک وکٹ لی۔
