اسلام آباد (پاک ترک نیوز )وزیراعظم شہباز شریف سے چیف آف ڈیفنس فورسز فیلڈ مارشل عاصم منیر نے ملاقات کی۔
ذرائع کے مطابق ملاقات میں ملک کی مجموعی امن و امان کی صورتحال کا جائزہ لیا گیا۔
ذرائع کا کہنا ہے کہ ملاقات کے دوران انسدادِ دہشت گردی کے آپریشنز کے حوالے سے امور پر بھی غور کیا گیا۔
ملاقات میں خیبرپختونخوا کی امن و امان کی صورتحال بھی زیرِ بحث آئی۔
ذرائع کے مطابق افغانستان کی موجودہ رجیم کے خلاف انسدادِ دہشت گردی کی کارروائیوں کے حوالے سے بھی تبادلہ خیال کیا گیا۔
