اسلام آباد(پاک ترک نیوز ) آبنائے ہرمز کے راستے توانائی کی فراہمی میں بڑھتی ہوئی غیر یقینی صورتحال کے پیش نظر حکومت نے اکتوبر کے دوران قطر سے ایل این جی کے تین کارگو حاصل کرنے کا فیصلہ کیا ہے۔ذرائع کے مطابق حکومت ایل این جی لے جانے والے جہازوں کی محفوظ گزرگاہ یقینی بنانے کے لیے ایرانی حکام سے رابطہ کرنے کی تیاری بھی کر رہی ہے۔یہ پیش رفت ایسے وقت میں سامنے آئی ہے جب قطر انرجی نے پاکستان کو ایل این جی کی فراہمی پر عائد فورس میجور کی مدت 4 نومبر تک بڑھا دی ہے۔
یہ بھی پڑھیں: بانی پی ٹی آئی سے ملاقات کا دن، تحریک انصاف نے 6 ناموں کی فہرست اڈیالہ جیل حکام کو بھجوا دی
حکام کو خدشہ ہے کہ ایل این جی کی فراہمی میں تعطل موسم سرما کے دوران بھی برقرار رہ سکتا ہے، جس کے باعث پاکستان میں توانائی کی ضروریات پوری کرنے کے لیے متبادل انتظامات پر غور کیا جا رہا ہے۔آبنائے ہرمز سے توانائی کی ترسیل میں رکاوٹ کے خدشات کے باعث پاکستان کے لیے ایل این جی کارگو کی محفوظ اور بروقت آمد اہمیت اختیار کر گئی ہے۔
