واشنگٹن (پاک ترک نیوز)امریکی وفاقی تحقیقاتی ادارے ایف بی آئی نے ایک سابق امریکی فضائیہ کی انسدادِ جاسوسی ایجنٹ کی گرفتاری اور سزا میں مدد دینے والی معلومات پر 2 لاکھ ڈالر انعام دینے کا اعلان کیا ہے۔ اس خاتون پر ایران کو قومی دفاع سے متعلق حساس معلومات فراہم کرنے کا الزام ہے۔
ایف بی آئی کے واشنگٹن فیلڈ آفس کی جانب سے بیان کے مطابق مونیکا ایلفریڈ وِٹ پر فروری 2019 میں ڈسٹرکٹ آف کولمبیا کی وفاقی گرینڈ جیوری نے جاسوسی کے الزامات میں فردِ جرم عائد کی تھی، جن میں ایران کی حکومت کو قومی دفاع سے متعلق معلومات منتقل کرنا بھی شامل ہے۔
مونیکا وِٹ، جو امریکی فضائیہ میں ٹیک سارجنٹ اور ایئر فورس آفس آف اسپیشل انویسٹیگیشنز کی خصوصی ایجنٹ رہ چکی ہیں، 1997 سے 2008 تک فوج میں خدمات انجام دیتی رہیں۔ ان کی فوجی اور بعد ازاں کنٹریکٹ ملازمتوں کے دوران انہیں غیر ملکی انٹیلی جنس اور انسدادِ جاسوسی سے متعلق خفیہ اور انتہائی خفیہ معلومات تک رسائی حاصل رہی، جن میں امریکی خفیہ ایجنسیوں کے خفیہ اہلکاروں کے اصل نام بھی شامل تھے۔
ایف بی آئی واشنگٹن فیلڈ آفس کے کاؤنٹر انٹیلی جنس اور سائبر ڈویژن کے سربراہ ڈینیئل ویرز بکی نے کہا کہ:
“مونیکا وِٹ نے ایک دہائی سے زائد عرصہ قبل آئینِ امریکہ سے وفاداری کا حلف توڑتے ہوئے ایران کا ساتھ دیا اور ایرانی حکومت کو قومی دفاع سے متعلق معلومات فراہم کیں، اور غالب امکان ہے کہ وہ اب بھی ان کی خفیہ سرگرمیوں میں معاونت کر رہی ہیں۔
