مشفق الرحیم کی سنچری ،بنگلہ دیش کی دوسرے ٹیسٹ پر گرفت مضبوط

سلہٹ ( پاک ترک نیوز) پاکستان اور بنگلہ دیش کے درمیان جاری دو میچوں کی سیریز کے آخری ٹیسٹ میچ میں مشفق الرحیم سنچری کرنے میں کامیاب ہو گئے ۔بنگلہ دیش کی میچ پر گرفت مضبوط ہو گئی ۔
تفصیلات کےمطابق سلہٹ میں جاری دوسرے ٹیسٹ میچ کی دوسری اننگز میں بنگلہ دیش نے مشفق الرحیم کی سنچری کی بدولت 6وکٹوں کے نقصان پر 333رنز سکور کئے اور اسے 379رنز کی برتری حاصل ہو گئی ہے ۔
بنگلہ دیش کی جانب سے مشفق الرحیم نے دوسری اننگز میں 104رنز بنائے ہیں اور ناٹ آئوٹ ہیں ۔ لٹن داس 69،محمود الحسن 52رنز بنا سکے ۔
پاکستان کی جانب سے خرم شہزاد نے 4جبکہ محمد عباس اور حسن علی نے ایک ایک وکٹ حاصل کی ہے۔
اس سے قبل بنگلہ دیش نے پہلی اننگز میں 278رنز سکور کئے تھے جس کے جواب میں پاکستانی ٹیم 232رنز بنا کر آئوٹ ہو گئی تھی ۔
واضح رہے کہ دو میچوں کی سیریز میں بنگلہ دیش کو ایک صفر کی ناقابل شکست برتری حاصل ہے اور دوسرے میچ جیتنے کی صورت میں سیریز اپنے نام کرلے گی ۔
یہ پہلا موقع ہے کہ پاکستان بنگلہ دیش کی سرزمین پر کوئی ٹیسٹ میچ ہارا ہے اس سے قبل پاکستان یہاں ناقابل شکست رہا تھا ۔