ادلب (پاک ترک نیوز )شام کے شمال مغربی صوبے ادلب کے شہر بِنِّش میں گولہ بارود اور فوجی سازوسامان سے لدی گاڑی میں زوردار دھماکے کے نتیجے میں کم از کم پانچ افراد جاں بحق اور پانچ زخمی ہوگئے۔
شامی سرکاری میڈیا کے مطابق دھماکا اس وقت ہوا جب گاڑی میں موجود گولہ بارود پھٹ گیا۔ دھماکوں کا سلسلہ کافی دیر تک جاری رہا، جس سے قریبی دکانوں اور عمارتوں کو بھی نقصان پہنچا۔
ابتدائی طور پر حکام نے دو ہلاکتوں اور پانچ زخمیوں کی اطلاع دی تھی، تاہم بعد میں ہلاکتوں کی تعداد بڑھ کر پانچ ہوگئی۔ امدادی ٹیموں نے زخمیوں کو اسپتال منتقل کیا جبکہ سیکیورٹی اہلکاروں نے جائے وقوعہ کو گھیرے میں لے لیا۔
یہ بھی پڑھیں: عالمی منڈی میں خام تیل کی قیمتوں میں ایک فیصد اضافہ
حکام کے مطابق دھماکے کی وجہ اور بارود سے لدی گاڑی کی ملکیت تاحال واضح نہیں ہوسکی، جبکہ واقعے کی تحقیقات جاری ہیں۔
