لاہور( پاک ترک نیوز) خطرہ جو اکثر نظر نہیں آتا لیکن ہر دن آپ کی زندگی چُھین سکتا ہے! جی ہاں، ہم بات کر رہے ہیں کولیسٹرول کی، جو دل کے لیے ایک خاموش قاتل بن چکا ہے۔
کولیسٹرول ایک قسم کی چربی ہے جو ہمارے جسم کے ہر خلیے کے لیے ضروری ہے، لیکن زیادہ کولیسٹرول صحت کے لیے خطرناک ہو سکتا ہے۔ اگر جسم میں کولیسٹرول بڑھ جائے تو دل کی شریانیں بند ہونے کا خطرہ بڑھ جاتاہے،گردوں اور جگر کے مسائل پیدا ہوتے ہیں۔
زیادہ کولیسٹرول خون کی شریانوں میں جمع ہو کر دل کا دورہ اور فالج جیسے مہلک خطرات پیدا کر دیتا ہے۔ بدقسمتی سے اکثر لوگوں کو اس کا پتہ بھی نہیں چلتا،جب پتہ چلتا ہے اس وقت بہت دیر ہو جاتی ہے ۔ ہیںعام طور پر کولیسٹرول کے زیادہ ہونے کی کوئی واضح علامت نہیں ہوتی، اس لیے باقاعدہ چیک اپ ضروری ہے۔
کولیسٹرول جسم میں چکنائی کی ایک قسم ہے، لیکن ضرورت سے زیادہ کولیسٹرول خون کی شریانوں میں جمع ہو کر بلاکج پیدا کر دیتا ہے۔دنیا بھر میں ہر سال لاکھوں لوگ دل کی بیماریوں کی وجہ سے جان گنوا دیتے ہیں، جن میں کولیسٹرول کا بڑھا ہوا لیول ایک بڑا عنصر ہے۔بالغ افراد کو ہر دو تین سال بعد کولیسٹرول ٹیسٹ کروانے کی سفارش کی جاتی ہے۔
ماہرین صحت کے مطابق، دنیا بھر میں ہر سال لاکھوں افراد دل کی بیماریوں کی وجہ سے جان گنواتے ہیں، اور اس میں کولیسٹرول کا بڑھا ہوا لیول ایک اہم عنصر ہے۔
ماہرین صحت نے مشورہ دیا ہے کہ سبزیاں ،پھل اور کم چکنائی والی خوراک کو اپنا معمول بنائیں،تمباکو نوشی اور زیادہ الکحل سے پرہیز کریں ۔ کولیسٹرول کا بڑھا ہوا لیول خاموشی سے خطرہ بن سکتا ہے ۔ آج ہی اپنا ٹیسٹ کروائیں، اور اپنے دل کو محفوظ بنائیں۔ کیونکہ ہر لمحہ قیمتی ہے۔
