اسلام آباد (پاک ترک نیوز )نائب وزیراعظم اسحاق ڈار 26 سے 28 مئی تک نیویارک کا دورہ کریں گے۔نائب وزیراعظم اسحاق ڈار بیجنگ سے نیویارک روانہ ہوں گے جہاں اہم عالمی اجلاسوں میں شرکت متوقع ہے
وزیر خارجہ سلامتی کونسل میں "مینٹیننس آف انٹرنیشنل پیس” اوپن مباحثے میں شرکت کریں گے۔سلامتی کونسل مباحثے کا موضوع عالمی امن و سلامتی اور اقوام متحدہ کے کردار کا تحفظ ہے
چین کی صدارت میں ہونے والے اجلاس کی صدارت چینی وزیر خارجہ وانگ یی کریں گے۔پاکستان نے عالمی چیلنجز سے نمٹنے کیلئے چین کے کثیرالجہتی اقدام کا خیرمقدم کیا
اسحاق ڈار 28 مئی کو گروپ آف فرینڈز آن گلوبل گورننس اجلاس میں بھی شریک ہوں گے۔عالمی گورننس میں اصلاحات اور مشترکہ چیلنجز سے نمٹنے پر اہم اجلاس منعقد ہوگا۔وزیر خارجہ اسحاق ڈار نیویارک میں عالمی رہنماؤں اور اقوام متحدہ حکام سے ملاقاتیں کریں گے۔پاکستان نے کثیرالجہتی نظام اور عالمی امن کیلئے اپنی حمایت کا اعادہ کر دیا
پاکستان عالمی امن، سلامتی اور ترقی کیلئے تعمیری کردار جاری رکھنے کیلئے پرعزم ہے۔پاکستان ایک بار پھر اقوام متحدہ کے مرکزی کردار کو مضبوط بنانے پر زور د ے گا
