کراچی (پاک ترک نیوز )ملک میں سونے اور چاندی کی قیمتوں میں نمایاں کمی ہوگئی۔سونے کی فی تولہ قیمت میں 3 ہزار 800 روپے کی کمی ریکارڈ کی گئی، جس کے بعد فی تولہ سونا 4 لاکھ 53 ہزار 436 روپے کا ہوگیا۔
10 گرام سونے کی قیمت بھی 3 ہزار 257 روپے کم ہوگئی، جس کے بعد 10 گرام سونا 3 لاکھ 88 ہزار 749 روپے میں فروخت ہورہا ہے۔
عالمی مارکیٹ میں بھی سونے کی قیمت میں کمی دیکھی گئی۔ فی اونس سونے کی قیمت 38 ڈالر کمی کے بعد 4 ہزار 309 ڈالر ہوگئی۔
یہ بھی پڑھیں: پاکستان کے 60 فیصد شہری تعلیمی نظام سے غیر مطمئن
دوسری جانب چاندی کی قیمت میں بھی کمی ریکارڈ کی گئی ہے۔ ایک تولہ چاندی 73 روپے سستی ہوکر 6 ہزار 869 روپے کی ہوگئی۔
10 گرام چاندی کی قیمت میں 62 روپے کمی ہوئی، جس کے بعد اس کی قیمت 5 ہزار 889 روپے ہوگئی۔عالمی مارکیٹ میں چاندی 63.91 ڈالر فی اونس پر ٹریڈ کررہی ہے۔
