ڈھاکہ (پاک ترک نیوز )بنگلادیش کرکٹ ٹیم نے پاکستان کےخلاف پہلے ٹیسٹ کے پہلے دن کے اختتام پر چار وکٹوں پر 301 رنز بنالیے
ڈھاکا میں کھیلے جارہے میچ کے پہلے روز 85 اوورز کا کھیل ہوا، مشفق الرحیم 48 اور لٹن داس 8 رنز پر ناٹ آؤٹ رہے
بنگلادیش کے کپتان نجم الحسن شنتو 101، مومن الحق 91، محمود الحسن جوائے 8 اور شادمان اسلام 13 رنز بنا کر آؤٹ ہوئے
اس سے قبل پاکستان نے پہلے ٹیسٹ میچ کی ٹاس جیت کر فیلڈنگ کا فیصلہ کیا، گرین کیپ کی طرف سے اذان اویس اور عبداللّٰہ فضل نے ٹیسٹ ڈیبیو کیا۔
گھٹنے کی انجری کے باعث بابر اعظم اس میچ کے لیے پاکستان ٹیم کو دستیاب نہیں ہیں۔دونوں ٹیموں کے درمیان دوسرا ٹیسٹ میچ سلہٹ میں 16 مئی سے شروع ہو گا۔
