اسلام آباد ( پاک ترک نیوز) بجلی صارفین کے لیے بری خبر، بجلی کی فی یونٹ قیمت میں 2 روپے 52 پیسے اضافے کا امکان ہے۔
سینٹرل پاور پرچیزنگ ایجنسی نے بجلی کی قیمت میں اضافے کے لیے نیپرا میں درخواست دائر کردی ہے۔
درخواست میں جولائی کی فیول پرائس ایڈجسٹمنٹ کی مد میں بجلی کی فی یونٹ قیمت میں 2 روپے 52 پیسے اضافے کی استدعا کی گئی ہے۔
نیپرا سی پی پی اے کی درخواست پر 27 اگست کو سماعت کرے گا، جس کے بعد بجلی کی قیمت میں اضافے سے متعلق حتمی فیصلہ کیا جائے گا۔
یہ بھی پڑھیں: پاکستان میں بجلی 14 روپے فی یونٹ تک سستی ہو سکتی ہے
درخواست منظور ہونے کی صورت میں بجلی صارفین پر اضافی مالی بوجھ پڑنے کا امکان ہے۔
