لاہور( پاک ترک نیوز) معروف اینکر پرسن اور سیاستدان اقرار الحسن کو مبینہ طور پر رات گئے لاہور میں ان کی رہائش گاہ سے حراست میں لے لیا گیا۔
اقرار الحسن کی اہلیہ فرح اقرار کے مطابق این سی سی آئی اے کے اہلکار انہیں حراست میں لینے کے لیے گھر پہنچے۔ فرح اقرار کا کہنا ہے کہ سادہ کپڑوں میں ملبوس افراد گھر میں داخل ہوئے اور اقرار الحسن کو اپنے ساتھ لے گئے۔
فرح اقرار کے مطابق تاحال یہ واضح نہیں ہو سکا کہ اقرار الحسن کو کس الزام کے تحت حراست میں لیا گیا ہے۔
