5 گیندوں پر 5 وکٹیں، آئرش کھلاڑی نے ریکارڈ بنا دیا

ڈبلن ( پاک ترک نیوز) آئرش کھلاڑی کرٹس کیمفر نے پانچ گیندوں پر 5 وکٹیں، ریکارڈ بنا دیا۔
آئرلینڈ کے آل راؤنڈر کرٹس کیمفر نے انٹرپرووینشل ٹی ٹونٹی ٹورنامنٹ میں منسٹر ریڈز کی جانب سے کھیلتے ہوئے نارتھ ویسٹ واریئرز کے خلاف 5 گیندوں پر 5 کھلاڑیوں کو آؤٹ کر کے پروفیشنل کرکٹ میں کارنامہ انجام دے دیا۔
وہ پروفیشنل کرکٹ میں لگاتار 5 وکٹیں حاصل کرنے والے دنیا کے پہلے کھلاڑی بن گئے ہیں، ایک موقع پر نارتھ ویسٹ وارئیرز کی ٹیم نے پانچ وکٹوں کے نقصان پر 87 رنز بنائے تھے لیکن کرٹس کیمفر کی شاندار باؤلنگ کی وجہ سے باقی پانچ کھلاڑی پانچ گیندوں پر آؤٹ ہو گئے۔
انہیں میچ کا بہترین کھلاڑی قرار دیا گیا، واضح رہے کہ 2021 ء میں آئرش کھلاڑی کرٹس کیمفر چارگیندوں پرچار کھلاڑی آؤٹ کر چکے ہیں۔