فیلڈ مارشل کا پاکستان کی ترقی کے خلاف پروپیگنڈا اور پراکسیز کو ناکام بنانے کا عزم

کوئٹہ ( پاک ترک نیوز) فیلڈ مارشل سید عاصم منیر نے کوئٹہ گیریژن کا دورہ کیا اور بلوچستان میں تعینات فارمیشنز کے افسران اور جوانوں سے ملاقات کی ۔
فیلڈ مارشل نے جدید جنگی حکمت عملی، ٹیکنالوجی اور ملٹی ڈومین آپریشنز پر خصوصی زوردیا اور تربیت اور پیشہ ورانہ معیار کو سراہا ،فیلڈ مارشل نے دہشت گردی کے خاتمے کے لیے مکمل عزم کا اعادہ کیا ۔
افسروں سے خطاب میں سپہ سالار نے کہا دہشت گردی کے خاتمے کے لیے پرعزم ہیں۔جدید جنگی طریقہ تیزی سے بدل رہا ہے۔افسران ابھرتی ہوئی ٹیکنالوجی اور مستقبل کے جنگی چیلنجز سے باخبر رہیں ۔
فیلڈ مارشل نے پاکستان کی ترقی کے خلاف پروپیگنڈا اور پراکسیز کو ناکام بنانے کا عزم کیا ہے ،بلوچستان میں امن و استحکام کے لیے عوامی مرکزیت پر مبنی حکمت عملی پر زور دیا ، سپہ سالار نے حکومت بلوچستان کی سماجی و معاشی بہتری کی کوششوں کو سراہا،فورسز کے بلند حوصلے اور پیشہ ورانہ تیاری کی تعریف بھی کی۔