تہران (پاک ترک نیوز )ایران کی مسلح افواج کے سینئر ترجمان بریگیڈیئر جنرل ابوالفضل شکارچی نے کہا ہے کہ ایرانی افواج لبنان میں جاری مظالم برداشت نہیں کریں گی۔
ایرانی میڈیا کے مطابق ایک بیان میں بریگیڈیئر جنرل ابوالفضل شکارچی نےکہا کہ اسرائیل نے موجودہ جنگ بندی کے فریم ورک کا فائدہ اٹھاتے ہوئے لبنانی سرزمین پر کھلی جارحیت کا سلسلہ شروع کر رکھا ہے، ان کارروائیوں کے نتیجے میں خواتین اور بچوں سمیت 3 ہزار سے زائد بے گناہ افراد جاں بحق یا زخمی ہو چکے ہیں، جب کہ مغربی رہنماؤں نے ان اقدامات کے مقابلے میں یا تو خاموشی اختیار کر رکھی ہے یا پھر ان کی کھلی حمایت کر رہے ہیں۔
جنرل شکارچی نے اسرائیلی قیادت کو خبردار کرتے ہوئےکہا کہ اس کی فوجی مہم کو خطے میں شدید ردعمل کا سامنا کرنا پڑسکتا ہے۔
