اسلام آباد (پاک ترک نیوز )وزیراعظم شہباز شریف کا کہنا ہےمشرق وسطیٰ میں حالیہ تشدد میں اضافہ انتہائی تشویشناک ہے۔خطے میں بڑھتی ہوئی کشیدگی غیر مستحکم جنگ بندی کے خطرات کو اجاگر کر رہی ہے۔
وزیراعظم نے کہا تشدد کے نتیجے میں سنگین اور ناقابلِ برداشت انسانی نتائج سامنے آ سکتے ہیں۔پاکستان اپنے برادر اور شراکت دار ممالک کے ساتھ مل کر سفارتی حل کی کوششوں میں مصروف ہے.
وزیراعظم شہبازشریف نے کہا تنازع کے پائیدار اور پرامن حل کے لیے سفارتی رابطے جاری ہیں،امن معاہدے کے حصول کا مقصد قریب ہے، ایسے وقت میں تحمل اور بردباری ناگزیر ہے۔
وزیراعظم کا سوشل میڈیا پر بیان میں کہنا تھا تمام فریقین تحمل کا مظاہرہ کریں اور امن کو ایک اور موقع دیں، موجودہ حالات میں طاقت کے استعمال کے بجائے مذاکرات کو ترجیح دی جائے
وزیراعظم نے کہاتشدد اور تباہی کا راستہ خطے کو مزید عدم استحکام کی طرف لے جا سکتا ہے،امن اور سفارت کاری ہی تنازعات کے حل کا مؤثر اور دیرپا راستہ ہیں۔
وزیراعظم شہبازشریف نے کہا خطے میں امن کے امکانات روشن ہیں، فریقین دانشمندی کا مظاہرہ کریں۔پاکستان مشرقِ وسطیٰ میں کشیدگی کے خاتمے اور امن کے فروغ کا خواہاں ہے۔
وزیراعظم نے کہا سفارت کاری کی کامیابی کے امکانات موجود ہیں، جنگی ماحول سے گریز کیا جائے،خطے کے امن، استحکام اور عوام کے مفاد میں مذاکراتی عمل کو جاری رکھا جائے
پاکستان نے ایک بار پھر مشرقِ وسطیٰ میں امن، تحمل اور مکالمے کی حمایت کا اعادہ کر دیا،وزیراعظم نے کہا مشرقِ وسطیٰ کے بحران کا حل جنگ نہیں بلکہ مذاکرات اور سفارت کاری میں مضمر ہے۔
