ایران کو جوہری ہتھیار حاصل نہیں کرنے دیں گے: نیتن یاہو

یروشلم (پاک ترک نیوز )اسرائیلی وزیراعظم نیتن یاہو نےکہا ہےکہ میری پالیسی بھی صدر ٹرمپ کی طرح غیر تبدیل شدہ ہے، ایران کو جوہری ہتھیار حاصل نہیں کرنے دیے جائیں گے۔
ایکس پر جاری بیان میں نیتن یاہو کا کہنا تھا کہ میری صدر ٹرمپ سے گزشتہ رات بات ہوئی، ہم دونوں اس بات پر متفق ہوئے کہ ایران کے ساتھ کسی بھی حتمی معاہدے میں جوہری خطرے کا مکمل خاتمہ ضروری ہے۔ اس کا مطلب یہ ہےکہ ایران کی جوہری افزودگی کی تنصیبات ختم کی جائیں اور اس کے افزودہ جوہری مواد کو ایرانی سرزمین سے ہٹا دیا جائے۔