واشنگٹن ( پاک ترک نیوز) امریکا کی ایک وفاقی اپیل عدالت نے صدر ڈونلڈ ٹرمپ کی انتظامیہ کی ڈاک کے ذریعے ووٹنگ محدود کرنے سے متعلق درخواست مسترد کر دی ۔بوسٹن میں قائم فرسٹ یو ایس سرکٹ کورٹ آف اپیلز نے 2 کے مقابلے میں 1 کی اکثریت سے فیصلہ دیتے ہوئے نچلی عدالت کے حکم کو برقرار رکھا۔
اس سے قبل 25 جون کو وفاقی جج اندرا تلوانی نے 23 ڈیموکریٹک ریاستوں اور واشنگٹن ڈی سی کی درخواست پر ٹرمپ کے صدارتی حکم کے اہم حصوں کو آئین سے متصادم قرار دیتے ہوئے ان پر عمل درآمد روک دیا تھا۔
یہ بھی پڑھیں: نادرا کی پاک آئی ڈی ایپ میں نئے فیچرز متعارف، بلوچستان کے شہریوں کے لیے ڈیجیٹل گاڑی رجسٹریشن سروس شروع
امریکی محکمہ انصاف نے مؤقف اختیار کیا تھا کہ متعلقہ وفاقی اداروں نے ابھی تک ٹرمپ کے حکم پر عمل درآمد کے لیے حتمی قواعد نہیں بنائے، اس لیے اس کے خلاف مقدمہ قبل از وقت ہے۔ تاہم اپیل عدالت نے یہ مؤقف مسترد کرتے ہوئے کہا کہ صدارتی حکم میں ریاستوں کے لیے واضح اور قریب المدت ڈیڈ لائنز مقرر کی گئی ہیں، اس لیے انہیں فوری طور پر اس پر ردعمل دینا پڑ رہا ہے۔
