آراے شمشاد
ویسے تو ہر کھیل میں کھلاڑی تاریخ رقم کرنے اور ریکار ڈ بنانے کیلئے ایڑ ی چوٹی کا زور لگاتے ہیں اور شائقین کیلئے دلچسپی کا سامان مہیا کرتے ہیں تاہم برصغیر میں جس طرح کرکٹ کا بخار روزہ بروز بڑھتا جا رہا ہے وہیں اس کے کھلاڑی بھی نت نئے ریکارڈ کے انبار لگانے میں مصروف نظر آتے ہیں ۔آئیے آج مختصراً ان ریکارڈز کا جائزہ لیتے ہیں ۔
کرکٹ میں اگر سب سے پہلے بات کی جائے تو وہ ٹیسٹ کرکٹ کی ہی ہو سکتی ہے ۔آئیے جانتے ہیں اس فارمیٹ میں کارہائے نمایاں انجام دینے والے کھلاڑی کون کون ہیں۔
بات ہو بیٹنگ کی اور سچن کا نام نہ آئے یہ کیسے ممکن ہے ٹیسٹ کرکٹ میں سب سے زیادہ رنز بنانے والے کھلاڑی بھارت کے ماسٹر بلاسٹر بلے باز سچن ٹنڈولکر ہی ہیں ۔انہوں نے سب سے زیادہ 15921رنز بنائے ہیں تاہم ان کے اس ریکارڈ کو خطرہ انگلینڈ کے جوئے روٹ سے ہے جو 13943رنز سکور کر چکے ہیں اور قوی امکان ہے کہ وہ سچن ٹنڈولکر کا یہ ریکارڈ توڑ پائیں گے ۔
ایک اننگزمیں سب سے زیادہ سکور کی بات کی جائے تو ویسٹ انڈیز کے مایہ ناز بلے باز برائن لارا ٹیسٹ میں سب سے زیادہ 400رنز بنانے کا اعزاز رکھتے ہیں ۔
بھارت کے سچن ٹنڈولکر کے پاس ٹیسٹ میں ایک اور بھی ریکارڈ ہے وہ سب سے زیادہ چوکے لگانے والے کھلاڑی ہیں انہوں نے 2058چوکے لگا رکھے ہیں ۔ٹیسٹ میں زیادہ چھکوں کی بات کی جائے تو اس فہرست میں بین سٹوکس اس وقت کافی آگے ہیں انہوں نے 136بار گیند کو بائونڈر ی سے باہر پھینکا ہے ۔
بلے بازوں کو اپنی انگلیوں کے جادو سے نچانے والے مرلی دھرن بائولنگ کے شعبے میں طویل فارمیٹ میں سب سے اوپر ہیں انہوں نے 800وکٹیں اپنے نام کی ہیں اور ان کا یہ ریکارڈ توڑنا اب شاید ناممکن ہیں تو مشکل ضرور ہے۔
بلا شبہ کیچز ون میچز کا محاورہ کسی کے منہ سے ایسے نہیں نکلا ۔ ایک میچ پورا میچ بدل کر رکھ سکتا ہے ۔ اسوقت ٹیسٹ کرکٹ میں سب سے زیادہ کیچز کا ریکارڈ انگلینڈ کے مایہ ناز بلے جوئے روٹ کے پاس ہے جنہوں نے 216کیچ تھامے ہیں تاہم انہیں کے قریبی آسٹریلین کھلاڑی سٹیو سمتھ ہیں جنہوں نے 215کیچز تھام کر بلے بازوں کو پویلین کی راہ دکھائی ہے ۔
ٹیسٹ میچ میں وکٹ کیپر کے کردار سے کون واقف نہیں ، ٹیسٹ میں وکٹوں کے پیچھے سٹمپ کرنیوالے وکٹ کیپر آسٹریلیا کے اولڈ فیلڈز تھے جنہوں نے 52بلے بازوں کو سٹمپ آئوٹ کیا ۔
